Sogneprodukt leverer kvalitet - ISO 9001 sertifisert
I starten av 2017 fusjonerte Sogneprodukt med Vik Asvo og Balestrand Industrier. Etter at arbeidet med å slå saman tre organisasjonar og ulike system til ein organisasjon og eit system var unnagjort, hadde vi i 2017 fokus på kvalitetssikring av våre tenester og produkt.
Vi har vore gjenom ein omfattande ISO 9001-sertifisering (NS-EN ISO 9001:2015) for produksjon/leveranse av tenester til den offentlege og private marknaden innan arbeid, inkludering og kompetanseoppbygging, der produksjon og sal av produkt er ein del av prosessen.
30. januar kom beviset på at Sogneprodukt kan skilte med ISO 9001-sertifikat, etter at me har vore gjennom ein vellukka revisjon frå Kiwa Teknologisk Institutt.